ORIENTAL MINDORO Province, the Philippines

Martsa ng Silangang Mindoro

(Filipino 菲律宾文 Filipino)

Kaming mga Mindoreño
May talinong taglay
Panahon namin ay laging nakatuon sa kabutihan
Ang pangarap na kapayapaan at mga kasaganaan
Sa Silangang Mindoro
Dito lamang matatagpuan.

Kaya mga kababayan
Laging itanim sa puso’t diwa
Ikaw, ako’y Mindoreño
Pinagpala ng Maykapal

Mindoreño, isang sulo sa tagumpay ng bayan
Sulong ipakita, ipadama at ipahayag
Pagmamahal sa Diyos at sa bayan
Mabuhay ka Mindoreño.


Ang aming lalawigan
Lalawigang minamahal
Kaming mga anak mo
Pagkakaisa ang hangad
Ang ugali nating marangal
Ay sa kapwa ipadama
Iyan ako ang Mindoreño
Ang Mindoreño ay ako.

Kaya mga kababayan
Laging itanim sa puso’t diwa
Ikaw, ako’y Mindoreño
Pinagpala ng Maykapal

Mindoreño, isang sulo sa tagumpay ng bayan
Sulong ipakita, ipadama at ipahayag
Pagmamahal sa Diyos at sa bayan
Mabuhay ka Mindoreño.
Pagmamahal sa Diyos at sa bayan
Mabuhay ka Mindoreño