Bro goth agan tasow, dha fleghes a'th kar, Gwlas ker an howlsedhes, pan vro yw dha bar? War oll an norvys 'th on ni skollys a-les, Mes agan kerensa yw dhis.
Kernow! Kernow, y keryn Kernow; An mor hedre vo yn fos dhis a-dro 'Th on onan hag oll rag Kernow!
Gwlaskor Mytern Arthur, an Sens kens, ha'n Gral Moy kerys genen nyns yw tiredh aral, Ynnos jy pub karn, nans, menydh ha chi A gows yn Kernewek dhyn ni.
Kernow! Kernow, y keryn Kernow; An mor hedre vo yn fos dhis a-dro 'Th on onan hag oll rag Kernow!
Yn tewlder an bal ha war donnow an mor, Pan esen ow kwandra dre diryow tramor Yn pub le pynag, hag yn keniver bro Y treylyn kolonnow dhiso.
Kernow! Kernow, y keryn Kernow; An mor hedre vo yn fos dhis a-dro 'Th on onan hag oll rag Kernow!