BATANGAS Province, the Philippines

Dangal ng Batangas

(Filipino 菲律宾文 Filipino)

Hindi Salapi o kislap ng alahas
Ang nagbibigay galak at gilas
Hindi anyo, ginto o perlas
Nagtataas ng ating antas

Dunong, galing at talino
Kinilala ng buong mundo
Pamilya'y buo at makatao
Yan ang Batangenyo.

Batangas, Batangas
Dangal ang lakas ng Batangas
Mayama't dalita kung walang dangal
Aanhin pa ang buhay


Kasaysayang nagdaan
Sa dangal inialay ang buhay
Ibuwal man ng walang dangal
Tindig pa rin sa gawang marangal

Batangenyo sa dangal nabubuhay
Sa dangal pa rin mamatay
Huwag tapakan, huwag dungisan
Dangal ng Batangas ay buhay

Batangas, Batangas
Dangal ang lakas ng Batangas
Mayama't dalita kung walang dangal
Aanhin pa ang buhay

Batangas, Batangas
Dangal ang lakas ng Batangas
Mayama't dalita kung walang dangal
Aanhin pa ang buhay